Strategie en rigting
Ons bepaal wat jou bemarking moet doen voordat ons begin om inhoud te vervaardig.
Strategiese bemarking vir Afrikaanse besighede
Jou bemarking moes hoeka al vir jou gewerk het.
Hoeka help Afrikaanse sake-eienaars om hul bemarking oor te gee sonder om beheer, rigting of hul handelsmerk se persoonlikheid te verloor.
Strategie. Uitvoering. Meting. Verbetering.
hoeka
reeds · lankal · van toeka af
290+ uur
aan strategie, inhoud en bemarkingsargitektuur
9+ eienaars
persoonlik deur 1:1-vennootskappe ondersteun
13,94%
SEO-sigbaarheid, vanaf 1,96%, in een week
555,4%
meer sosiale interaksies oor agt maande
Die werklike probleem
Jy het ’n besigheid om te bestuur.
Die probleem is gewoonlik nie dat jy geen idees het nie. Daar is eenvoudig nie genoeg tyd, hande of struktuur om alles konsekwent uit te voer, op te volg en te verbeter nie.
Hoeka vat die bemarking van jou skinkbord af, sonder om jou stem of beheer weg te neem.
1
Die plan bly in jou kop
Daar is idees, maar nie ’n duidelike en gedeelde bemarkingsrigting nie.
2
Uitvoering gebeur wanneer daar tyd is
Inhoud, opvolgings en veldtogte word maklik uitgestel.
3
Niemand weet wat werk nie
Daar is aktiwiteit, maar min duidelikheid oor prestasie en volgende stappe.
Waarmee kan Hoeka jou ondersteun?
Ons bring jou strategie, inhoud, stelsels en data bymekaar, sodat jou bemarking nie net mooi lyk nie, maar behoorlik werk.
Inhoud en sigbaarheid
Inhoud wat jou besigheid help om raakgesien, verstaan en vertrou te word.
Stelsels en outomatisering
Prosesse wat minder handewerk vereis en keer dat waardevolle navrae verlore raak.
Data en verbetering
Duidelike insig oor wat werk, wat nie werk nie en wat volgende moet gebeur.
Van los bemarking na ’n stelsel wat saamwerk.
Ons begin met duidelikheid, bou die uitvoering daar rondom en verbeter dit op grond van werklike resultate.
Verstaan
Ons kyk na die besigheid, teikenmark, aanbod, huidige bemarking en grootste gapings.
Beplan
Ons stel die posisionering, boodskappe, kanale, inhoud en prioriteite vas.
Voer uit
Die strategie word omskep in inhoud, veldtogte, opvolgings en werkbare prosesse.
Verbeter
Ons meet prestasie, identifiseer geleenthede en pas die plan voortdurend aan.
Pakkette wat saam met jou besigheid kan groei.
Begin met ’n duidelike plan, konsekwente sigbaarheid of ’n meer omvattende strategiese bemarkingsvennootskap.
Die Hoeka Plan
R7 500 eenmalig
Vir die sake-eienaar wat eers duidelikheid nodig het oor wat volgende moet gebeur.
- Bemarkingsoudit
- Teikenmark en posisionering
- Kernboodskappe
- Kliëntereis
- Kanaal- en inhoudsrigting
- Praktiese 90-dae-plan
- Strategie-oordragsessie
Hoeka Sigbaar
R9 500 per maand
Vir besighede wat konsekwente, professionele bemarking nodig het.
- Maandelikse strategie en inhoudsplan
- Tot 8 kerninhoudstukke
- Hergebruik oor 2 platforms
- Kopieskryf en grafiese ontwerp
- Skedulering en publisering
- Basiese gemeenskapsbestuur
- Maandelikse verslag en sessie
Hoeka Groei
R14 500 per maand · minimum 3 maande
Vir gevestigde besighede wat sigbaarheid, navrae en langtermyn-bates wil bou.
- Alles in Hoeka Sigbaar
- Tot 12 kerninhoudstukke
- 1 nuusbrief of SEO-blog per maand
- Basiese SEO- en webwerfverbeterings
- Veldtog- en kliëntwerwingsbeplanning
- Omskakelings- en kliëntereisverbetering
- Deurlopende toetsing en verbetering
Hoeka Saam
Vanaf R19 500 per maand · gewoonlik 6 maande
Vir eienaars wat ’n toegewyde strategiese bemarkingsvennoot nodig het.
- Bemarkingsleiding en beplanning
- Inhoud, veldtogte en e-pos
- SEO en webwerfverbeterings
- CRM- en opvolgingsprosesse
- Werkvloeie en dokumentasie
- Dashboards en verslagdoening
- Outomatisering en koördinering
Werklike bemarking. Meetbare vooruitgang.
Hoeka fokus nie net op mooi plasings nie. Ons kyk na sigbaarheid, inhoudsprestasie, interaksie en die stelsels wat volhoubare groei ondersteun.
13,94%
SEO-sigbaarheid
Verhoog vanaf 1,96% binne een week deur doelgerigte soekenjinoptimalisering.
3 156
Blogvertonings
Binne twee maande gegenereer, vergeleke met 1 378 oor die vorige vier maande.
555,4%
Meer sosiale interaksies
Oor ’n tydperk van agt maande deur konsekwente inhoud en gemeenskapsbou.
“Dit is ’n plesier om met Corlia saam te werk, en sy ken die gemeenskap deur en deur. Kry haar gerus as jy bemarkingshulp nodig het.”
“Corlia is ’n uiters kreatiewe mens, baie kommunikatief en maklik om mee saam te werk. Sy het uitstekende idees en ’n goeie oog vir estetika.”
“Corlia bring vars perspektiewe en innoverende idees na elke projek. Haar waardevolle insette dryf betekenisvolle vooruitgang.”
“Baie dankie vir die inhoudsplan, dit is perfek! Wel gedaan dat jy net ingespring het en die ding gedoen het.”
C.
“Ek help jou om bemarking oor te gee sonder om die denke daaragter te verloor.”
Ontmoet die gesig agter Hoeka
Hallo, ek is Corlia.
Hoeka het ontstaan waar my ervaring met klein sake-eienaars se bemarking en my liefde vir Afrikaans, goeie vakmanskap en strategiese denke bymekaargekom het.
Ek het gesien dat dieselfde probleme telkens voorkom: daar is nie genoeg tyd of hande nie, die bemarking gebeur sonder ’n duidelike strategie, en die strategie word nie deur die nodige stelsels en prosesse ondersteun nie.
My doel is nie om jou handelsmerk by jou oor te neem nie. Dit is om jou te help om jou bemarking met vertroue oor te gee, terwyl jy steeds weet wat gebeur, waarom dit gebeur en hoe dit jou besigheid ondersteun.
Strategiese denke voor losstaande bemarkingstake.
Duidelike kommunikasie en persoonlike ondersteuning.
Stelsels wat die strategie makliker maak om uit te voer.
Kom ons praat
Kom ons haal bemarking van jou skinkbord af.
Stuur vir my ’n e-pos of WhatsApp en vertel kortliks waar jou bemarking tans vashaak. Ek sal vir jou ’n eerlike aanbeveling gee oor wat volgende behoort te gebeur.
Geen vorm vir eers nie.
Stuur sommer direk ’n boodskap.
Klik op die e-posknoppie om jou e-posprogram oop te maak met Corlia reeds as die ontvanger, of begin ’n WhatsApp-gesprek.
corlia@hoekabemarking.co.za